ذكرى ولا مش ذكرى

فى ذكريات كتير فى حياتنا بنحاول ننساها وذكريات احنا فعلا ناسينها بس فى ذكريات بنحاول على اد ما نقدر ما ننسهاش لانها جزء مننا سواء كانت حلوة او كانت مرة

من وسط كل الناس عرفتنى وقلبك يومها جابك ناحيتى ومن وسط كل البشر شوفتك عنهم مختلف مش ملاك لكنك مش بشر انجذبنا لبعضنا وقررنا نبدأ حبنا .

ابتدينا نرسم بيت من ورق وكان حلمنا انه يكون بيتنا حقيقى كان كل حلما بيت يضمنا وفيه نقدر نعيش حبنا رسمنا بالالوان وشخطبنا ولعبنا كمان كان حلمنا بسيط ولانه بسيط مننا اتخطف .

من يومها معرفتش ارسم ولا حتى اكتب من يومها شئ جوايا انكسر وهحلم ليه والحلم دايما بيتخطف احلم ليه واللى فى سنين ببنيه انا وحبيبى فى لحظة بيتنسف .

خطفوا مننا الحلم حقيقى وقتلوا كل اللى كان لكن حبى وحبك مش هيقدر يمحيه الزمان حبك ساكن جوه منى مش ممكن يتوصف وحبى جواك عارفه مهما عملوا مش هيتنسف .

مهما كنا بعيد بقلبى بضمك ومها كنت وحيد انا جنبك جوه قلبك احنا مش بعيد يا حبيبى احنا الاتنين ساكنين فى نفس الوريد

مهما قالوا انك ذكرى هفضل اقولهم لاء على فكرة ده الوحيد اللى مهما باعدت بينا الايام هيفضل عايش جوه منى