عجبى !!
مرغم عليك يا صبح مغصوب يا ليل
لا دخلتها برجليا ولا كان لى ميل
لا دخلتها برجليا ولا كان لى ميل
شايلينى شيل دخلت انا فى الحياة
وبكرة ح اخرج منها شايلينى شيل
عجبى !!
فى يوم صحيت شاعر براحة وصفا
الهم زال والحزن راح واختفى
خدنى العجب وسألت روحى سؤال
انا مت ولا وصلت للفلسفة
عجبى !!
على بغد مليون ميل من ارضنا
من الفراغ الكونى بصيت انا
لا شفت فرق ما بين عذاب او هنا
عجبى !!
انسان أيا انسان ما اجهلك
ما اتفهك فى الكون وما أضألك
شمس وقمر وسدوم وملايين النجوم
عجبى!!
سرداب فى مستشفى الولادة طويل
صرخات عذاب ورا كل باب وعويل
وفى الطريق متزوقين البنات
متزوقين للحب والمواويل
عجبى !!
ضريح رخام فيه السعيد اندفن
وحفره فيها شريد من غير كفن
مريت عليهم .. قلت يا للعجب
لاتنين ريحتهم فيها نفس العفن
عجبى !!
علقت ع المسمار قناع مهزلة
ومعاه قناع مأساة بحزنه ابتلا
بصيت لقيتهم يشبهوا بعضهم
واهو ده العجب يا ولاد والا فلا
عجبى !!
الفليسوف قاعد يفكر سيبوه
لاتعملوه سلطان ولا تصلبوه
ما تعرفوش ان الفلاسفة يا هوه
اللى يقولوه بيرجعوا يكدبوه
عجبى !!
نظرت فى الملكوت كتير وانشغلت
وبكل كلمة ليه وعشانيه سألت
اسأل سؤال الرد يرجع سؤال
واخرج وحيرتى اشد مما دخلت
عجبى !!
ليست هناك تعليقات:
إرسال تعليق