احساس جوايا

اليوم ادركت كم انت مجروحا يا قلبى ؟
دون قصد سمعت من احد اصدقائى جملة واحدة
فجرت فى اعماقى كل الحزن والمرارة
تذكرت كل شئ وكأنه حدث بالامس رغم انه مرت سنوات وسنوات
كنت اضحك على نفسى واقنعها ان الماضى قد مات
لكن الان فقط
ادركت
ان شيئا ابدا لم يمت
لست احبك اليوم اعرفها
لكنى لم انسى لحظة جرحك
رغم اننى حاولت ان انسى او اتناسى
ابدا لم انسى ما كان
وبقلبى جبلا شامخا من الاحزان
ظننت انه يوما سيتلاشى
ولكنى اليوم اعلم انه يزداد ويزداد
كيف انسى مرارة لم تفارقنى
كيف انسى جرحا ظل يعذبنى
كيف امضى الان فى طريقى
وفى قلبى خنجرا مسموما
اموت بجرحه يوما يعد يوم

هى جت عليا ولا ايه !!!

كلمة السر

مظاهرة

النهاردة من اول ما فتحت عينى ما شاء الله على كمية الاخبار اللى سمعتها

طبعا اول حاجة سألت عنها كالمعتاد الريس انتحى قالوا لى لاء

طب اللى فى التحرير مشيوا قالوا لى برده لاء

طب الله يكرمكم ايه اخر الاخبار

لاقيت سيل من الاخبار فوق نافوخى

الموظفون فى عمر افندى قاموا بمظاهرة

العاملين فى وزارة التربية والتعليم قاموا بمظاهرة

سائقى التاكسى الابيض قاموا بمظاهرة

موظفى المصرية للاتصالات قاموا بمظاهرة

ما شاء الله بقينا بلد المظاهرات

اخدت بعضى وقعدت على جنب وقلت ايه يا بت ايه الحكاية

كل البلد عماله شغاله مظاهرات على ودنه

كل اللى متضايق من حد يقوم يعمل مظاهرة

وفجأة الكل بقت اوضاعه مهببه وعاوز يحسنها

يبقى مين اللى كان مرتاح فى البلد

وبعد تفكير عميق اوى وصلت انى الوحيدة المرتاحة فى بلدنا

لانى الوحيدة اللى لسه معملتش مظاهرة

رغم انى والحمد لله عاطله عن العمل وقاعده فى بيتنا

يعنى اقصى طموحاتى اعمل مظاهرة من الصالة للمطبخ واكيد هتتفض قبل الحمام بشوية

وغالبا هيتم استعمال الشبشب والمقشة لفضها

واختكم اكيد مش هتقدر تصمد اكتر من 3 دقايق

وللعلم بفكر بجدية فى عمل مظاهرة اطالب فيها بحقوقى الدستورية اشمعنى انا

انت مننا ولا من الناس التانيين

فى الكام يوم اللى فاتوا بدات اسمع عبارة غريبة اوى فى الاول افتكرتها نكته
بس شوية بشوية لاقيتها بجد لما تتكلم مع اى واحد حتى ولو كان صاحبك تلاقيه يقولك فى بداية الكلام
"هو انت مننا ولا من الناس التانيين"

يا نهار ابيض بقى فى مننا وبقى فيه كمان ناس تانيين

ولما تقوله اكيد مع مصلحة البلد والامان والاستقرار يقولك "يبقى انت من الناس التانيين"

ايه يا جماعة ده بجد شئ غريب علينا اوى

هى مصلحة البلد قليلة ولا شئ مش كويس ولا لازم امسك شومة ولا سكينة وانزل ابلطج على الناس او امسك لى علم مصر وانزل اعملى مظاهرة

كل مصرى هدفه الاول والاخير مصلحة البلد دى ومهما اختلفنا فى الرأى مش معنى كدة ابدا اننا اكتر من فريق لا طبعا احنا فريق واحد بيحب بلده وان كان كل واحد ليه طريقته فى التفكير "ده طبعا خلاف اللى مش بيفكر اصلا "

يعنى مين بقى الناس التانيين يا سيدى طالما مصمم ان فى ناس تانيين اقولك هم مين ؟

الناس التانيين هم المستغلين لثورة حقيقية ضد الظلم والفساد وعاوزين يلحقوا لهم اى حاجة وخلاص بمعنى عاوزين حته من الكحكة من الاخر يلا يا بنى حمل وشيل اللى تقدر عليه

الناس التانيين هم اللى بيصطادوا فى الميه العكره وعاوزين يطلعوا على اكتاف اصحاب الثورة الحقيقين ودول اكيد مش بيحبوا البلد دى ولا يهمهم الا مصالحهم الخاصة

صدقونى كلنا هدفنا واحد ومش فريقين احنا فريق وناس بتحب بلدها بجد عاوزين نعيش فى بلدنا الجديدة بحرية وبكرامة وعاوزين نغير فى كل شئ للافضل واحلامنا ملهاش حدود ولا نهاية

مش هنزايد على بعض فى الوطنية وحب مصر ولا هنتاجر بالكلام والمصالح لاننا فعلا مصريين عارفين وحاسين كلنا ان المرحلة اللى جاية بتاعتنا احنا

وفى الاخر صدقونى البلد دى اتضح بأمانة انها مازالت مطمع فعلا وان العين عليها

بحبك يا مصر

من انتم ؟

عانت مصر كثيرا ايام الملكية وكانت مقسمة الى العائلة المالكة والامراء والاقطاعيين وعامة الشعب ذلك الشعب الذى عانى كثيرا من الظلم والقهر والفساد وحين قامت الثورة امرت الملك بالرحيل ورضخ لهم وتنازل عن العرش لولى العهد وتم تعيين مجلس للوصاية يحكم وبعد فترة تم الغاء الملكية واعلان الجمهورية لم تقم تلك الثورة بين يوم وليلة وحين قامت لم تسقط الملكية بل ظلت ملتزمة بعدة خطوات من اجل مصلحة ذلك الوطن الم يكن الظباط الاحرار قادرين على اعلان الجمهورية فورا الم يكونوا قادرين على التنكيل بالملك ولكن هذا لم يحدث لان الملك رغم مفاسده كان رمزا لمصر ولانهم لم يريقوا قطرة دما واحدة

الى من يقف فى ميدان التحرير هؤلاء هم الابطال الذين منحونا الحرية ولم يغفلهم التاريخ فمن انتم ؟

مصر اولا قبل اى شئ

ان ما شاهدته مصر فى الايام الاخيرة وبعد قيام ثورة الشباب الرائعة التى تبدو للجميع كأنتفاضة على الفساد والظلم الذى عانينا منه جميعا اندست بيننا للاسف قوات وانظمة تسعى لتحقيق مآربها الخاصة واصبحت نظرية المؤامرة جلية وواضحة للجميع حتى شباب هذه الثورة الرائعة ناصعة البياض

بدأت هذه القوات الخبيثة بفتح السجون واطلاق من فيها من مجرمين على شعب مصر الآمن ليسلبوا وينهبوا كل ما تطوله ايديهم وليت الامر اقتصر على ذلك بل وصلت بهم الوحشية الى حد الترويع والقتل ومهاجمة المواطنين , اوقات عصيبة لم يكن احد يتوقعها مرت علينا لتحيل حياتنا الى جحيم لم يكن احدا يتصوره

ونزل المواطن العادى الى الشارع متمثلا فى شباب حقيقى ورجالا هدفهم حماية انفسهم و بيوتهم واعراضهم من هذا الخطر الداهم ليال من الرعب لا يمكن لكلمات ان تصفها او تعبر عن جزء بسيط منها اصبح للخوف والذعر الكلمة العليا

ولكننا فوجئنا جميعا بمن لا يزال واقفا امام تلك العجلة ناسيا او متناسيا صراخ الاطفال المذعورين وبكاء الامهات وألم المريض الذى لا يجد دوائه ويد الجوع التى امتدت لتنهش بطون الكثيرون منا

فى ذلك الحين كنت احدث نفسى واقول ان ما يحدث لنا ثمنا يجب ان ندفعه من اجل التغيير والحرية وبالفعل اخيرا رضخ النظام ونزل من برجه العالى وانهار امام الجميع ودارت عجلة التغيير وبدأ العقلاء فى العودة الى اهلهم والى منازلهم واقتصاد بلد بأكمله ينهار ويد المغتصبين تمتد لتأخذ كل ما تستطيع الوصول اليه من اثارنا العظيمة تلك الاثار التى يحسدنا العالم اجمع على اقتنائها

فى ذلك الوقت الذى يحترق فيه شعبا بأكمله ويعانى الخوف والجوع والالم نجد من لا يزال مطالبا بالتضحية بشعب بأكمله وليته يشارك هذا الشعب جوعه والمه الا انه يتناول افضل الاطعمة ويشرب افضل المشروبات بل وامتد بهم الامر الى حد اقامة حفلات سمر هل هذا هو ثمن الحرية الذى يتحدثون عنه ؟ ام ان للحرية ثمنا لابد ان يدفعه من مات شهيدا شريفا ويدفعه شعبا خائفا جائعا

لست بكلامى هذا مؤيدة لنظام فاسد عانينا منه كثيرا ولكننى اطلب اعمال العقل ولو لبرهه قصيرة اود ان تلتقط تلك البلد انفاسها وتعود الدماء الى شرايينها حتى تقف من جديد وتعود من جديد

ارض الامن والامان

ارض الحضارة

رغم انف الحاقدين

وشماتة الشامتين

مصر

مصر

مصر يا اجمل من اجمل اميرة

مصر يا ام العيون سودا وكحيلة

مصر يا اعظم واروع حضارة

مش كلام وبس

ده عشق بيه القلب حس

لما شاف عذابك والمك يا مصر

فى يوم ثار شبابك لاجل الغلابة

وصوتهم اخيرا لاقى الاستجابة

بس فجأة طلعوا علينا الديابة

فاكرينك يا مصر سهلة

فاكرينك يا مصر ساذجة

ابدا والله لاء

لسه شبابك موجودين

صاحيين واعيين ومفتحين

رافضين الظلم ومش خاضعين

لكنهم يا بلدى ليكى مش بايعيين

فى صوت واحد هتفوا مرددين

مصر حبيبتى ونور العين

مصر ... مصر ... مصر