لحظة ندم

محتاجة ارجع لك اوى حاسة انى بتعذب اوى
ضعت وتهت وضليت ولطريقك برضه رجعت
الخير جوه منى بيرجعنى غصب عنى
بس برضه برجع واغلط وابعد واندم وابكى
جوايا ذنوب كتيرة يمكن ملهاش نهاية
وتعبت اوى اوى من كتر الخطايا
نفسى على بابك ابكى واغسل قلبى من اللى فيه
نفسى ارجع لك واتطهر من كل شئ
خايفة فى يوم اضيع ومرجعش اليك
خايفة يجى وقت مقدرش اندم ولا اتوب اليك
جوايا بركان او حتى غليان
وبتجى لى نوبات من العصيان
بس برضه انا عبدك الغلبان
اللى بيرجع لك دايما ندمان
مليش غيرك يا ربى
انت بقدرتك تغفر لى
انت بعزتك وجلالك ترحمنى
انت وحدك تتوب عليا
نفسى ابكى من اللى بيا
بس الدموع معاندانى
والذنوب خازيانى
سامحنى ياربى
وتوب عليا
انت ادرى باللى بيا